Eng

პროექტის შესახებ

 

პროექტი „სოფლის განვითარებისა და დივერსიფიკაციის ხელშეწყობა ხულოს მუნიციპალიტეტში“ დაფინანსებულია ევროკავშირის მიერ ENPARD პროგრამის ფარგლებში.  პროექტს ახორციელებს ა.ა.ი.პ. ჩეხეთის რესპუბლიკის კარიტასი საქართველოში (Caritas Czech Republic in Georgia), 2017 წლის 1 მაისიდან ხორვატიის სოფლის განვითარების ქსელთან (HMRR) და PMC კვლევითი ცენტრთან პარტნიორობით.  

პროექტის მიზანია სოფლად მცხოვრები მოსახლეობის კეთილდღეობის ზრდა სოფლის ეკონომიკის დივერსიფიკაციით. პროექტის სამიზნე ჯგუფებია: ადგილობრივი ფერმერები, ადგილობრივი სასტუმრო სახლების (გესთჰაუსი) ოპერატორები და ტურისტული სერვისების მიმწოდებლები,  ადგილობრივი საკვების მწარმოებლები და ხელსაქმის ოსტატები, ადგილობრივი თემების წევრები (მათ შორის სამოქალაქო ორგანიზაციები, ახალგაზრდული ჯგუფები და ა.შ.), ადგილობრივი მთავრობის წარმომადგენლები. პროექტის ფარგლებში ჩამოყალიბდება ადგილობრივი სამოქმედო ჯგუფი, რომელიც შეიმუშავებს ხულოს განვითარების სტრატეგიას. სტრატეგიით შემუშავებული პრიორიტეტების მიხედვით მომდევნო ეტაპზე თანადაფინანსების საფუძველზე გაიცემა გრანტები.

მოსალოდნელი შედეგები:

  • ადგილობრივი განვითარების ჯგუფის ჩამოყალიბება და ფუნქციონირება.
  • ადგილობრივი განვითარების ჯგუფის მიერ LEADER მიდგომებზე დაყრდნობით, განვითარების სტრატეგიის შემუშავება.
  • ადგილობრივი ბენეფიციარების (პოტენციური ქვე-გრანტორები) მიერ ბიზნესის მართვის ცოდნის და უნარ-ჩვევების გაუმჯობესება, აგრეთვე მათი პროდუქციის, სერვისების  თვალსაჩინოებისა და მდგრადობის გაძლიერება.
  • ადგილობრივი ბენეფიციარების მიერ  სოფლის განვითარების პროექტების დაწყება, რომელთა დაფინანსებაც მოხდება სოფლის განვითარების ფონდიდან. 

 

პარტნიორები

2008 წლიდან CCR იმყოფება საქართველოში და ძირითადად ჯანდაცვის, სოფლის მეურნეობის, სოფლის განვითარების, სოციალური ჩართულობისა და სამოქალაქო საზოგადოების განვითარების მიმართულებით.