ევროკავშირის მიერ მხარდაჭერილი პროექტის „სოფლის განვითარებისა და დივერსიფიკაციის ხელშეწყობა ხულოს მუნიციპალიტეტში“ ფარგლებში, რომელსაც ახორციელებს ჩეხეთის რესპუბლიკის კარიტასი საქართველოში (CCRG), დასრულდა სოფლის განვითარების საგრანტო კონკურსის პირველი ეტაპიდა კონკურსის შედეგები გამოცხადდა.

საგრანტო კონკურსის პირველი ეტაპი მოიცავდა ხულოს ადმინისტრაციული ტერიტორიის ფარგლებში ისეთი პროექტების იდეების იდენტიფიცირებას, რომლებიც ხელს შეუწყობს ხულოში საცხოვრებელი და სოციალურ-ეკონომიკური პირობების გაუმჯობესება ხულოს 2018-2022 წლების ადგილობრივი განვითარების სტრატეგიის  პრიორიტეტებისა და საკვანძო ამოცანების შესაბამისად.

საგრანტო კონკურსის ფარგლებში სულ შემოვიდა 429 პროექტის იდეა. აღნიშნული პროექტების იდეები შეფასდა ხულოს ადგილობრივი განვითარების ჯგუფის (ხულოს LAG) ბაზაზე შექმნილი საგრანტო კომიტეტის და ENPARD ხულო პროექტის წარმომადგენლების მიერ. შემოსული პროექტებიდან მომდევნო ეტაპზე მონაწილეობას მიიღებს 187 პროექტი, პროექტები ეხმიანებოდა ხულოს განვითარების სტრატეგიით განსაზღვრულ პრიორიტეტებს. აპლიკანტებმა საგრანტო კონკურსის შედეგების შესახებ ინფორმაცია მიიღეს sms-შეტყობინებით.

შეფასების შესახებ დეტალური ინფორმაცია აპლიკანტს შეუძლია გამოითხოვოს განცხადების საფუძველზე, პროექტის ოფისში ორი კვირის განმავლობაში 15 ოქტომბრიდან 26 ოქტომბრამდე.

დამატებითი ინფორმაციისათვის, შეგიძლიათ დაგვიკავშირდეთ ნომერზე: 551 13 55 25 ან/და მოგვწეროთ : info.enpard.khulo@caritas.cz

პროექტს ახორციელებს ჩეხეთის რესპუბლიკის კარიტასი საქართველოში (CCRG) პარტნიორ ორგანიზაციებთან, PMC კვლევით ცენტრთან და ხორვატიის სოფლის განვითარების ქსელთან (HMRR) თანამშრომლობით, ვროკავშირის ფინანსური მხარდაჭერით, სოფლისა და სოფლის მეურნეობის განვითარების ევროპის სამეზობლო პროგრამის, ENPARD-ის II ფაზის ფარგლებში.